บุคคละผู้ใดเกิดปีสัน ลงด้วยวอก หื้อสร้างธรรมมโหสถ พ่อตายก่อนแม่ ลุกคือพรหมมาเกิด จากหั้นมาเป็นเทวดา จากหั้นมาเป็นงัว จากหั้นมาได้เป็น หมู จากนั้นมาได้มาเกิดเป็นคนในชาตินี้ กระทำไร่นาดี เลี้ยงงัวควาย ดี กระทำคุณแก่ท่านบ่เป็นคุณ ช่างลักเลียมเอาของท่านสน่อย เท่าว่ามีผญ๋า ว่องไว ลูกหลวงหลายแล เท่าว่าจักตายด้วยผู้ญิงจักตายด้วยผู้ชายแล เหตุ มันมีกำลังบ่สู้พิจารณา เท่าว่าจักขับตามตัณหาแห่งตนหื้อแน่แท้เนอ หื้อตือดาบ 19 ไม้ปลายบัวปลายเหลี้ยม 17 ค่ดี 15 ค่ดี อันใดค่ดีแล หื้อเอาผัวเอาเมียหื้อเอาคนขาวต่ำดี หื้อเอาคนอันเกิด ปีเล้าปีเส็ดเทอะหากจักสมฤทธี เกิดด้วยเข้สของสมบัติ กันว่าผู้ใดไปสู่ เรือนท่าน จักเป็นใหญ่แก่เรือนท่านชะแล ถงเป้งสามชั้น นอกแดงกลางใน เหลือง หื้อตือแก้ววิฑูรน้ำเผิ้ง นิลลผักตบ บัวระกตยอด เท่าหื้อเลี้ยงงัว ไหม ควายดำเป็นเคล้า จักมีเงิน 3000 คันว่าเถิงปีใหม่มาแล้วหื้อไปเอาไหน้ำ 7 บ่อ มาอาบเสียหายเคราะห์ทังมวลแล ค้าหมากค้าตอง(ทองเหลือ) ปลูกเข้าขาว เป็นเคล้า อายุได้ 12 ตายทีนึ่ง บ่ค่เสียของ 67 ทีนึ่ง 78 ตายเดือน 8 ออก 8 ค่ำ ยามแล้งหั้นแล คนผู้นี้ 2 อยู่หัว ท่านรักสน่อย 4 อยู่มือซ้ายไค่ลักของท่าน 5 อยู่มือขวามันร้ายสน่อยบ่ไค่สู้ฟังคำไผ 4 อยู่ใจ ใจดี 6 อยู่ตีนขวาปันของหื้อท่านบ่รู้คุณ 1 อยู่ตีนซ้ายไปค้าดี 7 อยู่ลิงใหญ่นักผู้ญิงก่สันเดียวกัน ขนนัก ผู้นี้หมั้นกระทำการสะน่อยไปค้า ดีแท้แล บุคคละผู้ใดเกิดปีเต่าสันตือดาบลงมา ปีกาบสันท่านจุงแขนมา ปีรวายสันขี่สะ เปาลงมา ปีเปิ้กสันท่านมัดสอกลงมาแล ลุกบ่าแถนลงมาเกิดเป็นผีเสื้ออยู่จอม หัว(ปลวก) เอาดินที่เคล้าไม้สรีมาปั้นเบ้า ท้าวทั้งสี่เป้นผู้หล่อ แม่ สั่งว่าหื้อเจ้าลูกรัก แม่ได้ส่งมาหาแม่ เครื่องส่งมีผ้า 4 ผืน เงิน 4 บาท คำ 3 ซีก เบี้ย 40 ส่งไปหาพ่อแม่เทอะ จักหื้อมึงมั่งมูลทุ่นเท๊าเป็นดี มีอายุได้ 43 เป็นหมั้น คันบ่ส่งแม่มึงแช่งโตยมาว่า หื้อมึงตายเงือกฆ่า งูฉก เจ็บท้อง ท้องไค่ท้องปอง ตายไฟไหม้ ล้ามตายจมน้ำแลฟ้าผ่า คำแช่งก็มีสัน นี้แล

-----------------------------------------------------------------------------
ตำราพรหมชาติล้านนา

โปรดเลือกปีที่ท่านเกิด



ปี ชวด

ปี ฉลู

ปี ขาล

ปี เถาะ

ปี มะโรง

ปี มะเส็ง

ปี มะเมีย

ปี มะแม

ปี วอก

ปี ระกา

ปี จอ

ปี กุน










ทำนายความฝันที่นี่


ฝันว่า